നെയ്യാർ മേളയെ വരവേറ്റ് നെയ്യാറ്റിൻകര
നെയ്യാറ്റിൻകര: ഓണാഘോഷത്തിൻ്റെ ഭാഗമായി വ്യാപാരി വ്യവസായി സമിതിയുടെ നേതൃത്വത്തിൽ നടത്തിവരുന്ന നെയ്യാർ മേളയ്ക്ക് തിരക്കേറുന്നു. കുട്ടികൾക്കും മുതിർന്നവർക്കും ഒരുപോലെ ആവേശം നൽകുന്ന വിവിധ സാഹസിക ഇനങ്ങൾ മേളയിൽ ഉൾപ്പെടുത്തിയിട്ടുണ്ട്. എയർ ഗൺ ഉപയോഗിച്ച് ലക്ഷ്യം കാണുന്ന ഒരു ഗെയിം ആണ് റൈഫിൾ ഷൂട്ടിംഗ്. പെല്ലറ്റ് ആണ് അതിനായി ഉപയോഗിക്കുന്നത് .കുട്ടികളിൽ ഏകാഗ്രതയും ആത്മവിശ്വാസവും വികസിപ്പിക്കാൻ ഈ വിനോദത്തിന് കഴിയുന്നു.
വനത്തിനുള്ളിൽ വസിക്കുന്നവർ കാട്ടാന പോലുള്ള മൃഗങ്ങളിൽനിന്നും നിന്നും രക്ഷ നേടുന്നതിനും, ദൂരെനിന്നും അവ കൃഷിയിടങ്ങളിലേക്ക് വരുന്നതുകാണാനുമായി മുളങ്കമ്പുകളും കാട്ടുതടികളും ഉപയോഗിച്ചുകൊണ്ട് മരങ്ങളെ തമ്മിൽ ബന്ധിച്ചുകൊണ്ട് കെട്ടിയുണ്ടാക്കുന്ന തട്ടാണ് ഏറുമാടം. ഏറെ കൗതുകമുള്ള ആ കാഴ്ചകൾ നെയ്യാർ മേളയിലെത്തുന്നവർക്കായി അമാസ് കേരള ഒരുക്കിയിട്ടുണ്ട്. ഒരുകാലത്ത് നമ്മുടെ പൂർവ്വികർ ആവേശത്തോടെ ചെലവഴിച്ചിരുന്ന ഈ പ്രകൃതിസൗഹൃദയിടം നെയ്യാർ മേളയുടെ പ്രധാന ആകർഷണങ്ങളിൽ ഒന്നാണ്.
നാട്ടുരുചിക്കൂട്ടുകൾ അന്യം നിന്നുപോകുന്ന ഒരുകാലത്ത് വിഷരഹിതവും ജൈവബോധവുമുള്ള കാച്ചിൽ, മധുരക്കിഴങ്ങ്, കപ്പ, ചേമ്പ് പോലുള്ള പോഷകസമൃദ്ധങ്ങളായ കിഴങ്ങുവർഗ്ഗങ്ങളെ നേരിട്ടുകാണാനും അവയുടെ രുചി നമ്മുടെ കുഞ്ഞുങ്ങൾക്കുകൂടി പങ്കുവയ്ക്കുന്നതിനുമുള്ള സൗകര്യവും അഡ്വഞ്ചറസ് പാർക്കിൽ അമാസ് കേരള ഒരുക്കിയിട്ടുണ്ട്.
കഴിഞ്ഞ 17 വർഷക്കാലമായി നെയ്യാറ്റിൻകര ആസ്ഥാനമാക്കി കേരളത്തിലും മറ്റു സംസ്ഥാനങ്ങളിലും സാഹസിക പരിശീലനം നൽകുന്ന ഐ. എം. എഫ്. അംഗീകാരം ഉള്ള കേരളത്തിലെ ഏകസ്ഥാപനമാണ് അമാസ് കേരള. വ്യത്യസ്ത മേഖലകളിൽ കഴിവ് തെളിയിച്ച ഒരു കൂട്ടം ചെറുപ്പക്കാരുടെ കൂട്ടായ്മയാണിത്. ഇൻ്റർനാഷണൽ കിക്ക് ബോക്സിംഗിൽ അന്തർദേശീയ മികവുപുലർത്തിയ മെഡൽ ജേതാവ് അരുൺ, നാഷണൽ ആർച്ചറി പ്ലയറായ അമൃത P നായർ തുടങ്ങിയ കായികപ്രതിഭകളും അമാസിന് കരുത്ത് ഏകുന്നു . ക്രാന്തദർശിത്വത്തോടെ തങ്ങളെ നയിച്ചിരുന്ന ഗുരുനാഥൻ രാജേന്ദ്രൻ സി അമാസിൻ്റെ പാത പിന്തുടർന്നുകൊണ്ട് ഇപ്പോൾ ഈ കൂട്ടായ്മയെ നയിക്കുന്നത് ചെറുപ്പക്കാരനായ ടോമിയാണ് . ബിജിൻ, ശ്രുജിത്ത് വി. എസ്. തുടങ്ങിയ കരുത്തന്മാരുടെ നിര ഒപ്പമുണ്ട് ശ്രീ കേശവൻ കുട്ടി ആണ് അമാസിന്റെ ചെയർമാൻ . ഭാവിഭാരതത്തിൻ്റെ പുത്തൻ പ്രതീക്ഷകളെ ലക്ഷ്യംതെറ്റാതെയും, തികഞ്ഞ ആത്മവിശ്വാസത്തോടും കൂടി മുന്നോട്ടുനയിക്കുന്നതിൽ അമാസ് കേരള വഹിക്കുന്ന പങ്ക് ഏറെ വലുതാണ്.