പാറശ്ശാലയ്ക്കു സമീപത്തുെവച്ച് ഓടിക്കൊണ്ടിരുന്ന തീവണ്ടിക്കു നേരേ കല്ലേറ്.ഞായറാഴ്ച വൈകീട്ട് ഏഴരമണിയോടു കൂടിയുണ്ടായ കല്ലേറിൽ തീവണ്ടിയുടെ ജനൽച്ചില്ലുകൾ തകർന്നു.കന്യാകുമാരി-ദിബ്രുഗഡ് വിവേക് എക്സ്പ്രസിന്റെ സ്ലീപ്പർ കോച്ചിലേക്കാണ് കല്ലേറുണ്ടായത്.ശക്തമായ മഴ ആയതിനാൽ യാത്രക്കാർ ജനലുകൾ താഴ്ത്തിയിട്ടിരിക്കുകയായിരുന്നു ഇതിനാൽ കല്ലേറിൽ യാത്രക്കാർ പരിക്കില്ലാതെ രക്ഷപെട്ടു.പാറശ്ശാല പോലീസും റെയിൽവേ പോലീസും പരിശോധന നടത്തി.രാത്രിയിൽ തീവണ്ടിപ്പാതയ്ക്ക് സമീപമിരുന്ന് മദ്യപിക്കുന്ന സാമൂഹികവിരുദ്ധരാണ് കല്ലെറിഞ്ഞതെന്നാണ് പോലീസ് സംശയിക്കുന്നത്.
