പുഷ്പകൃഷി വിളവെടുപ്പ്
നെയ്യാറ്റിൻകര: പെരുങ്കടവിളയിൽ പൂഷ്പകൃഷി വിളവെടുപ്പ് ഉത്സവം സികെ ഹരീന്ദ്രൻ എം എൽഎ. ഉദ്ഘാടനം ചെയ്തു. തത്തിയൂർ വാർഡിൽ ഇറിഗേഷൻ വകുപ്പിൻ്റെ ഒരേക്കർ തരിശ് ഭൂമിയിൽ പഞ്ചായത്തും, കുടുബശ്രീയും, കൃഷിഭവനും ചേർന്നാണ് കൃഷി നടത്തിയത്. ജനകീയ സംരഭമായ പൂഷ്പകൃഷി പഞ്ചായത്തിന് മാതൃകയാവുകയാണ്. പുലരി വനിത കർഷക സ്വയം സഹായ സംഘത്തിന്റെ നേതൃത്വത്തിൽ ആരംഭിച്ച കൃഷി വ്യാവസായിക അടിസ്ഥാനത്തിൽ വ്യാപിപ്പിക്കുകയാണ് ലക്ഷ്യം. പഞ്ചായത്ത് പ്രസിസന്റ് എസ് സുരേന്ദ്രൻ അധ്യക്ഷനായി. ബ്ലോക്ക് പ്രസിഡന്റ് ലാൽ കൃഷ്ണൻ, ബ്ലേക്ക് ക്ഷേമ കാര്യ സ്റ്റാന്റിംഗ് കമ്മിറ്റി ചെയർപേഴ്സൺ ഐ ആർ സുനിത, ഗ്രാമപഞ്ചായത്ത് വൈസ് പ്രസിഡന്റ് എസ് ബിന്ദു, വികസനകാര്യ സമിതി ചെയർമാൻ കാനക്കോട് ബാലരാജ്, ക്ഷേമകാര്യ സമിതി ചെയർമാൻ, മഞ്ചുഷ ജയൻ, കാക്കണം മധു, കെഎസ് ജയചന്ദ്രൻ, സചിത്ര, ധന്യ പി നായർ,മിനിപ്രസാദ്, കൃഷി ആഫീസർ മേരിലത ,കുടുംബശീ ചെയർ പേഴ്സൻ പിഎസ് സുചിത്ര, എ ഡി എസ്.പ്രസിഡന്റ് ഉഷകുമാരി, പഞ്ചായത്ത് സെക്രട്ടറി ഹരിൻ ബോസ് തുടങ്ങിയവർ സംസാരിച്ചു.
