ഡോ. വന്ദനാ ദാസിന്റെ കൊലപാതകം നീതിയ്ക്കായി വ്യത്യസ്ഥ പ്രതിഷേധം നടത്തി കായിക താരം
നെയ്യാറ്റിൻകര :ഡോ. വന്ദനാ ദാസിന്റെ കൊലപാതകം നീതിയ്ക്കായി വ്യത്യസ്ഥ പ്രതിഷേധം നടത്തി ദേശീയ കായിക താരം.കൊട്ടാരക്കര താലൂക്ക് ആശുപത്രിയിൽ ഡ്യൂട്ടിക്കിടെ കൊല്ലപ്പെട്ട ഡോ. വന്ദന ദാസിന് നീതി ഉറപ്പാക്കണമെന്നാവശ്യപ്പെട്ട് കൊണ്ടാണ് ദേശീയ കായിക താരവും ദീർഘ ദൂര ഓട്ടക്കാരനുമായ ബാഹുലയൻ വ്യത്യസ്ഥമായ പ്രതിഷേധം നടത്തിയത്. കഴുത്തിൽ നീതിക്കായുള്ള ബോർഡും കഴുത്തിൽ അണിഞ്ഞായിരുന്നു ഓട്ടം . പ്രതിഷധഓട്ടം ആരംഭിച്ചത് പാറശാല സർക്കാർ ആശുപത്രിയിൽ നിന്നായിരുന്നു. പാറശാല താലൂക്ക് ഹെഡ് ക്വാർട്ടേഴ്സ് ആശുപത്രി സൂപ്രണ്ട് ഡോ. സി.സുരേഷ് കുമാർ ഫ്ലാഗ് ഓഫ് ചെയ്ത് ഉദ്ഘാടനം ചെയ്തു. തുടർന്ന് 30 മിനിട്ട് കൊണ്ട് 11 കിലോമീറ്റർ താണ്ടി നിർത്തതേ ഓടി നെയ്യാറ്റിൻകര ജനറൽ ആശുപത്രിയിൽ എത്തി ചേർന്നു. നെയ്യാറ്റിൻകരയിൽ ഓടിയെത്തിയ ബാഹുലയന് ജനറൽ ആശുപത്രി ആർ എം ഒ യുടെ നേതൃത്വത്തിൽ പൊന്നാട അണിയിച്ച് സ്വീകരിച്ചു. വന്ദനാദാസിന്റെ മരണത്തിന് ഉത്തരവാദികൾക്ക് ശക്തമായ ശിക്ഷാ നടപടികൾ നൽകണമെന്നും ബാഹുലയൻ പറഞ്ഞു. ആരോഗ്യ പ്രവർത്തകർക്ക് നേരെയുള്ള അക്രമങ്ങൾ തടയാണമെന്നും ബാഹുലയൻ ആവശ്യപ്പെട്ടു വരും ദിവസങ്ങളിലും വ്യത്യസ്തനായ സമര പരിപാടികൾ നടത്തുമെന്നും ബാഹുലയൻ പറഞ്ഞു