ഹരിതസന്ദേശവുമായി പ്ലാസ്റ്റിക് കുപ്പികളാല്‍ കലമാന്‍ മുഖം
നെയ്യാറ്റിന്‍കര : പുതിയ അധ്യയന വര്‍ഷം ഹരിതസന്ദേശം പകര്‍ന്ന് സ്കൂള്‍ പരിസരത്തെ പ്ലാസ്റ്റിക് കുപ്പികളാല്‍ നിര്‍മിച്ച കലമാന്‍ മുഖം ശ്രദ്ധേയമായി. നെല്ലിമൂട് ന്യൂ ഹയര്‍സെക്കന്‍ഡറി സ്കൂളിലെ നാഷണല്‍ സര്‍വീസ് സ്കീം യൂണിറ്റ് അംഗങ്ങളാണ് ഉപയോഗ ശൂന്യമായ പ്ലാസ്റ്റിക് കുപ്പികളാല്‍ കലമാന്‍ മുഖം തയാറാക്കിയത്. എന്‍റെ വിദ്യാലയം ഹരിത വിദ്യാലയം എന്ന ആശയം വിദ്യാര്‍ഥികളിലേയ്ക്ക് പകര്‍ത്തുക എന്നതാണ് ഈ ഉദ്യമത്തിനു പിന്നിലുള്ളതെന്ന് കലമാന്‍ മുഖം അനാവരണം ചെയ്ത് പ്രിന്‍സിപ്പാള്‍ എസ്.കെ അനില്‍കുമാര്‍ പറഞ്ഞു. പ്രോഗ്രാം ഓഫീസര്‍ ഡോ. ഫസിലുദ്ദീന്‍, പി.എ.സി അംഗം ഡോ. ജെ. ഉണ്ണികൃഷ്ണന്‍, മുന്‍ പ്രോഗ്രാം ഓഫീസര്‍ ജയന്‍, എന്‍ എസ് എസ് വോളണ്ടിയര്‍മാര്‍ എന്നിവര്‍ ചടങ്ങില്‍ സംബന്ധിച്ചു.
