ബാലോത്സവം സംഘടിപ്പിച്ചു
നെയ്യാറ്റിൻകര : ബാലവേദി നെയ്യാറ്റിൻകര ടൗൺ ലോക്കൽ കമ്മിറ്റിയുടെ നേതൃത്വത്തിൽ ബാലോത്സവം സംഘടിപ്പിച്ചു. നെയ്യാറ്റിൻകര പി കെ വി സെന്ററിൽ നടന്ന ബാലോത്സവം പ്രശസ്ത സാഹിത്യകാരൻ സജി മര്യാപുരം ഉദ്ഘാടനം ചെയ്തു. യോഗത്തിൽ പാർട്ടി മണ്ഡലം സെക്രട്ടറി ജി എൻ ശ്രീകുമാരൻ, അസിസ്റ്റന്റ് സെക്രട്ടറി എസ് രാഘവൻ നായർ, എഐഎസ്എഎഫ് തിരുവനന്തപുരം ജില്ല സെക്രട്ടറി ശരൺ ശശാങ്കൻ, മണ്ഡലം സെക്രട്ടറി അക്ഷയ് ബാബു, പ്രസിഡന്റ് ഓലത്താന്നി സോണി, ടൗൺ ലോക്കൽ കമ്മിറ്റി സെക്രട്ടറി വി എസ് സജീവ്കുമാർ തുടങ്ങിയവർ സംസാരിച്ചു. സംഘാടക സമിതി ചെയർമാൻ എസ് എസ് ഷെറിൻ, കൺവീനർ ആർ ടി സനൽരാജ്, ലോക്കൽ കമ്മിറ്റിയംഗങ്ങളായ ഇ സ്റ്റാൻലി ജോസ്, എ കൃഷ്ണകുമാർ, ആർ സാബി രാജ്, ബ്രാഞ്ച് സെക്രട്ടറിമാരായ എസ് ജോണി, ആർ സുരേഷ് കുമാർ തുടങ്ങിയവർ പരിപാടികൾക്ക് നേതൃത്വംനൽകി. കുട്ടികൾക്ക് പഠനോപകരങ്ങൾ വിതരണം ചെയ്തു. കുട്ടികളുടെ വിവിധ കലാപരിപാടികളും അരങ്ങേറി.