ജെ സി ഡാനിയേലിന്റെ ഓർമ്മയ്ക്കായി ഓപ്പൺ എയർ ആഡിറ്റോറിയം നിർമ്മിക്കുന്നു.
നെയ്യാറ്റിൻകര: മലയാള സിനിമയുടെ പിതാവ് ജെ സി ഡാനിയേലിന്റെ ഓർമ്മയ്ക്കായി ഓപ്പൺ എയർ ആഡിറ്റോറിയം നിർമ്മിക്കുന്നു. സാംസ്കാരിക വകുപ്പിന്റെ സഹായത്തോടെ മുനിസിപ്പൽ സ്റ്റേഡിയത്തിൽ ജെ.സി.ഡാനിയേൽ ചിൽഡ്രൻസ് പാർക്കിനു സമീപം നഗരസഭ നിർമ്മിക്കുന്ന ഓപ്പൺ എയർ ആഡിറ്റോറിയത്തിന്റെ നിർമ്മാണോദ്ഘാടനം ഈ മാസം 18 ന് വൈകുന്നേരം 5 മണിയ്ക്ക് കേരള ചലച്ചിത്ര അക്കാദമി വൈസ് ചെയർമാനും പ്രശസ്ത സിനിമാ താരവുമായ പ്രേംകുമാർ നിർവ്വഹിക്കുന്നു.
നെയ്യാറ്റിൻകര നഗരസഭ ചെയർമാൻ പി. കെ. രാജമോഹനൻ അദ്ധ്യക്ഷത വഹിക്കുന്ന യോഗത്തിൽ നെയ്യാറ്റിൻകര കെ. ആൻസലൻ എം എൽ എ മുഖ്യ പ്രഭാഷണം നടത്തുന്നു. കലാ-സാംസ്കാരിക-സിനിമാലോകത്തെ പ്രമുഖർ പങ്കെടുക്കും.