സിപിഐയുടെ സാധ്യത സ്ഥാനാർത്ഥി പട്ടിക തയ്യാറായതായി സൂചന
തിരുവനന്തപുരം: പാർലമെൻ്റ് തെരഞ്ഞെടുപ്പിൽ സി പി ഐയുടെ സാധ്യത പട്ടിക തയ്യാറായി. തിരുവനന്തപുരത്ത് മുതിർന്ന സിപിഐ നേതാവ് പന്ന്യൻ രവീന്ദ്രനും മാവേലിക്കരയിൽ എഐവൈഎഫ് നേതാവ് സി എ അരുൺ കുമാറും തൃശ്ശൂരിൽ വിഎസ് സുനിൽകുമാറും വയനാട്ടിൽ ആനി രാജയ്ക്കും സാധ്യത പട്ടികയിലെന്ന് സൂചന.
മുൻ തിരുവനന്തപുരം എം പിയും ജനകീയ നേതാവുമായ പന്ന്യൻ രവീന്ദ്രനിലൂടെ തിരുവനന്തപുരം പാർലമെൻ്റ് സീറ്റ് തിരികെ പിടിക്കാനാണ് പാർട്ടിയുടെ ശ്രമം. വയനാട്ടിൽ ആനി രാജയിലൂടെ കടുത്ത പോരാട്ടം നടത്താനാണ് ഉദ്ദേശിക്കുന്നത്. മുൻ മന്ത്രിയായ വി എസ് സുനിൽകുമാറിലൂടെ തൃശ്ശൂർ തിരികെ പിടിക്കാനും ചെറുപ്പക്കാരനായ സി എ അരുൺകുമാറിലൂടെ മാവേലിക്കരയും സി പി ഐ പ്രതീക്ഷിക്കുന്നു.
പന്ന്യൻ തിരുവനന്തപുരത്ത് സ്ഥാനാർത്ഥിയാകുമെന്ന വാർത്ത പന്ന്യൻ രവീന്ദ്രൻ തന്നെ നിഷേധിച്ചതായി വാർത്തകൾ വരുന്നുണ്ട്.