നവയുഗം ട്രസ്റ്റ് ഉദ്ഘാടനം ചെയ്തു
നെയ്യാറ്റിൻകര: നെയ്യാറ്റിൻകര ടൗൺ പ്രദേശം ആസ്ഥാനമാക്കി പ്രവർത്തിക്കുന്ന നവയുഗ ചാരിറ്റബിൾ ട്രസ്റ്റിൻ്റെ ഓഫീസ് മുറി കെ ആൻസലൻ എം എൽ എ ഉദ്ഘാടനം ചെയ്തു. ഗ്രാമപ്രദേശത്ത് പ്രവർത്തിച്ചു വരുന്ന ചാരിറ്റബിൾ ട്രസ്റ്റുകൾക്ക് നിരവധി കാര്യങ്ങൾ ആ പ്രദേശത്തിൻ്റെ ഉന്നമനത്തിനായി ചെയ്യുവാൻ കഴിയുമെന്ന് എം എൽ എ അഭിപ്രായപ്പെട്ടു.
ട്രസ്റ്റ് പ്രസിഡൻ്റ് ഷൈൻ അദ്ധ്യക്ഷത വഹിച്ച യോഗത്തിൽ സെക്രട്ടറി അമൽ സ്വാഗതം പറഞ്ഞു. നെയ്യാറ്റിൻകര നഗരസഭ വികസനകാര്യ സ്റ്റാൻറ്റിംഗ് കമ്മിറ്റി ചെയർമാൻ കെ കെ ഷിബു, കെ പി സി സി ജനറൽ സെക്രട്ടറി എസ് കെ അശോക് കുമാർ, സിപിഐ നെയ്യാറ്റിൻകര ടൗൺ ലോക്കൽ കമ്മിറ്റി സെക്രട്ടറി വി എസ് സജീവ്കുമാർ, കൗൺസിലർമാരായ കെ അമ്മിണിക്കുട്ടി, മഞ്ചത്തല സുരേഷ്, യൂത്ത് കോൺഗ്രസ് മുൻ മണ്ഡലം പ്രസിഡൻറ് എസ് ജെ അനീഷ്, യുവമോർച്ച സംസ്ഥാന മീഡിയ സെൽ കൺവീനർ ചന്ദ്രകിരൺ, വൈശാഖ് തുടങ്ങിയവർ സംസാരിച്ചു.