കമുകിൻകോട് ദേശബന്ധു ഗ്രന്ഥശാല
നെയ്യാറ്റിൻകര: കമുകിൻകോട് ദേശബന്ധു ഗ്രന്ഥശാലയുടെ പ്ലാറ്റിനം ജൂബിലി ആഘോഷങ്ങളുടെ ഉദ്ഘാടനം പൊതുവിദ്യാഭ്യാസ - തൊഴിൽവകുപ്പ് മന്ത്രി വി. ശിവൻകുട്ടി നിർവഹിച്ചു. കെ ആൻസലൻ എം എൽ എ അധ്യക്ഷനായ സമ്മേളനത്തിൽ പ്രൊഫ പി ടി ഒലീന മുഖ്യ പ്രഭാക്ഷണം നടത്തി. നെയ്യാറ്റിൻകര നഗരസഭ ചെയർമാൻ പി കെ രാജ് മോഹൻ, അതിയന്നൂർ പഞ്ചായത്ത് പ്രസിഡൻ്റ് വി പി സുനിൽകുമാർ, പഞ്ചായത്ത് സ്റ്റാൻ്റിംഗ് കമ്മിറ്റി ചെയർമാൻ കൊടങ്ങാവിള വിജയകുമാർ, സി പി ഐ എം ഏര്യാ സെക്രട്ടറി ടി ശ്രീകുമാർ, സി പി ഐ മണ്ഡലം സെക്രട്ടറിയേറ്റംഗം പ്രൊഫ എം ചന്ദ്രബാബു, ഇടവക വികാരി ഫാദർ ജോയ് മാത്യൂസ്, കോട്ടുകാൽ കൃഷ്ണകുമാർ, വാർഡ് മെമ്പർമാരായ നിർമ്മലകുമാരി, ബി എസ് അഞ്ചു, അതിയന്നൂർ ശ്രീകുമാർ, ഗ്രന്ഥശാല പ്രസിഡൻ്റ് വി രാജേന്ദ്രൻ, സെക്രട്ടറി വി പ്രഭാകര പണിക്കർ എന്നിവർ സംസാരിച്ചു. യോഗത്തിൽ കേരള യൂണിവേഴ്സിറ്റിയിൽ നിന്നും ഡോക്ടറേറ്റ് നേടിയ കവിത, അർച്ചന എന്നിവരെ ആദരിച്ചു.
