യുവകലാസാഹിതി പരിസ്ഥിതി വാരാഘോഷവും സമൂഹ ചിത്രരചനയും
നെയ്യാറ്റിൻകര: യുവകലാസാഹിതി നെയ്യാറ്റിൻകര മണ്ഡലം കമ്മിറ്റിയുടെ നേതൃത്വത്തിൽ പരിസ്ഥിതിവാരാചരണ ഉദ്ഘാടനവും സമൂഹ ചിത്രരചനയും നടന്നു. പ്രശസ്ത ചിത്രകാരൻ ചിലമ്പിൽ ഷാജി ഉദ്ഘാടനം നിർവഹിച്ചു. മണ്ഡലം പ്രസിഡന്റ് കുന്നിയോട് രാമചന്ദ്രൻ അധ്യക്ഷത വഹിച്ചു. യുവകവി ആർ കെ അനിൽകുമാർ പരിസ്ഥിതി കവിതകൾ ആലപിച്ചു. നെയ്യാറ്റിൻകര അക്ഷയ കോംപ്ലക്സ് പരിസരത്ത് തയ്യാറാക്കിയ നീണ്ട കാൻവാസിൽ സമൂഹ ചിത്രരചന നടന്നു. സി പി ഐ നെയ്യാറ്റിൻകര മണ്ഡലം സെക്രട്ടറി എ എസ് ആനന്ദകുമാർ, എസ് രാഘവൻ നായർ , വി എസ് സജീവ്കുമാർ വട്ടവിള ഷാജി, ശ്രീകാന്ത്, സജി മര്യാപുരം തുടങ്ങിയവർ സംസാരിച്ചു. അക്ഷയ കോംപ്ലക്സ് പരിസരത്ത് സുഗതകുമാരി ടീച്ചറുടെ സ്മരണയ്ക്കായി ഓർമ്മമരവും നട്ടു.