ഗാന്ധിയൻ പി ഗോപിനാഥൻ നായർ വിടവാങ്ങി
നെയ്യാറ്റിൻകര: പ്രമുഖ ഗാന്ധിയനും സ്വാതന്ത്ര സമര സേനാനിയുമായ പി ഗോപിനാഥൻ നായർക്ക് ആദരാഞ്ജലികൾ അർപ്പിക്കാനായി ആയിരങ്ങൾ സ്വദേശാഭിമാനി ടൗൺ ഹാളിൽ എത്തിച്ചേർന്നു. സാമൂഹ്യ, രാഷ്ടീയ, സാംസ്കാരിക മേഘലകളിലെ പ്രമുഖരും നാട്ടുകാരും സ്കൂൾ കുട്ടികളുമുൾപ്പെടെ വൻ ജനാവലിയാണ് ടൗൺ ഹാളിൽ തടിച്ചുകൂടിയത്. എം എൽ എ കെ ആൻസലൻ, നഗരസഭ ചെയർമാൻ പി കെ രാജ് മോഹൻ, നീലലോഹിതദാസൻ നാടാർ, സ്റ്റാൻ്റിംഗ് കമ്മിറ്റി ചെയർമാന്മാരായ എൻ കെ അനിതകുമാരി, കെ കെ ഷിബു, അജിത, സി പി ഐ നെയ്യാറ്റിൻകര മണ്ഡലം സെക്രട്ടറി എ എസ് ആനന്ദകുമാർ, സി പി എം ഏര്യാ സെക്രട്ടറി ടി ശ്രീകുമാർ, പാർട്ടി മണ്ഡലം സെക്രട്ടറിയേറ്റംഗം എസ് രാഘവൻ നായർ, കോൺഗ്രസ് ബ്ലോക്ക് പ്രസിഡൻ്റ് അവനീന്ദ്ര കുമാർ, സി പി ഐ നെയ്യാറ്റിൻകര ടൗൺ ലോക്കൽ കമ്മിറ്റി സെക്രട്ടറി വി എസ് സജീവ് കുമാർ, സി ഷാജി, ആർ സാബി രാജ്, ആർ സുരേഷ് കുമാർ തുടങ്ങി നിരവധി പേർ പങ്കെടുത്തു. വൈകുന്നേരം 4.30 ന് പൂർണ്ണ ഔദ്യോഗിക ബഹുമതികളോടെ സംസ്കാരം വീട്ടുവളപ്പിൽ നടന്നു.
