നെയ്യാറ്റിൻകരയിൽ യുവാവിനെ വെട്ടിക്കൊന്നു

നെയ്യാറ്റിൻകരയിൽ യുവാവിനെ വെട്ടിക്കൊന്നു

നെയ്യാറ്റിൻകര: പണമിടപാടിന്മേൽ യുവാവിന് ദാരുണാന്ത്യം. മണലുവിള സ്വദേശി ഷണ്മുഖത്തിന്റെയും പുഷ്പവല്ലിയുടെയും മകൻ ആദിത്യൻ(23)ആണ്  മരണപ്പെട്ടത്. ഇവർ ഇപ്പോൾ പത്താംകല്ലിലാണ് താമസം. ബുധനാഴ്ച വൈകിട്ട് ആറ് മണിയോടെ കൊടങ്ങാവിള ജങ്ഷന് സമീപം ചാനൽ പാലത്തിന് സമീപമാണ് സംഭവം നട‌ന്നത്. ബൈക്കിൽ പോകുകയായിരുന്ന ആദിത്യനെ കാറിലെത്തിയ സംഘം വെട്ടികൊലപ്പെടുത്തുകയായിരുന്നു. മൃതദേഹം നെയ്യാറ്റിൻകര ജനറൽ ആശുപത്രി മോർച്ചറിയിൽ.

             സ്വകാര്യ മൈക്രോ ഫിനാൻസിലെ കളക്ഷൻ
ഏജൻറായിരുന്നു ആദിത്യൻ. വാഹന ഇടപാട് സംബന്ധിച്ച തർക്കമാണ് കൊലയിൽ
കലാശിച്ചതെന്നറിയുന്നു. പ്രതികൾ കാഞ്ഞിരംകുളം സ്വദേശികളാണന്നാണ് പ്രാഥമിക
വിവരം. നെയ്യാറ്റിൻകര പോലീസ് കേസെടുത്തു.